ევროკომისარი ჯოსეფ ბორელი ამბობს, რომ ისრაელის მითითება ღაზის ჩრდილოეთიდან მოსახლეობის ევაკუაციაზე "სრულიად შეუძლებელი შესასრულებელია". ამის შესახებ მან პეკინში ყოფნის დროს პრესკონფერენციაზე განაცხადა.
ათობით ათასმა მშვიდობიანმა მოსახლემ გუშინ ღაზის სამხრეთით გაქცევა დაიწყო მას შემდეგ, რაც ისრაელმა ხალხს უთხრა, დაეტოვებინათ ტერიტორია მოსალოდნელი სახმელეთო შეტევის წინ.
"იმის წარმოდგენა, რომ ისეთ სიტუაციაში, როგორიც ღაზაა, 24 საათში შეიძლება მილიონი ადამიანის გადასახლება, შეიძლება მხოლოდ, როგორც ჰუმანიტარული კრიზისი", - განაცხადა ბორელმა ჩინეთში სამდღიანი ვიზიტის დასასრულს.
მიუხედავად იმისა, რომ ევროკავშირმა გამოხატა მხარდაჭერა ისრაელის მიმართ, ბორელმა ის გააფრთხილა, რომ ისრაელი ასევე ვალდებული იყო დაეცვა საერთაშორისო ჰუმანიტარული სამართალი საკუთარი თავის დაცვის პროცესში.
"პოზიცია ნათელია. მაგრამ, როგორც ნებისმიერ უფლებას, მას აქვს საზღვარი. და ეს ზღვარი არის საერთაშორისო სამართალი", - განაცხადა ბორელმა.
დახურვა